سبع سااااااااااااااااااعات

سبع ساعات ... أسولف وأتكلم واستخف دمي
وهي تسمعني وتضحك ومبسوطة على الآخر
سبع ساعات أعلمها ... عن أحزاني وعن همي
وأسولف عن حكاية طفل كان وصار! هالشاعر
سبع ساعات ... وتتساقط حروف الصدق من فمي
على صحرا مسامعها ... سحاب العشق متناثر
سبع ساعات ... وتحلف لي براس العشق وتسمي
تقول انت الوحيد اللي ملكني؟؟ حبك الساحر
سبع ساعات ... ونادتني!! بإسمه ! ماهو باسمي
تناديني؟(فهد) وأسمي أنا يا للأسف جابر
تشنج.. كل شي كان حولي ومسمعي يدمي
ركز خنجر(فهد) في مسمعي من صوته الخادر
تخدر... فكري وجسمي وذاب بداخلي عظمي
وصرت أسمع صدى صوت يردد غلطه الشاطر
يردد غلطة الشاطر! بعشره واقعي حلمي
وترددها زوايا غرفتي والواقع الغادر
كثير أصوات شقت جلدي اللي يحتضن لحمي
صراخ الباب ! والدولاب! والشباك والساتر
وونات القلم! والدفتر اللي يلتفت يمي
وخايف!! وش أبي أكتب بوسطه من هنا لباكر
وكانت ساكته .. وصوت النفس من خشمها وخشمي
ربع ساعه وببحة صوت قالت خير وش صاير
وطرى في بالي... عبدالله وخالد وأحمد ونشمي
والى آخرهم ..(فهد)..تسعه وأنا مدموغها العاشر
وقلت أبداً ما غير الخير ... ولكن امسحي رقمي
اكيد إنه (فهد) .. جالس سبع ساعات وهو ناطر
وقالت لي : رجاء او اقولك طير يا عمي
مسوي حضرتك في هالزمان العاشق الطاهر
وقالت لي: أقول ... وقلت انا بقول وذا علمي
عجب للناس وش هالناس تخطي وبالخطا تكابر
أنا يا بنت .. ابنثر لك حياتي واجمعي ولمي
بعضها بنثره في مسمعك هالحين ومن خاطر
ترى عمري انا تسعه وعشرين وكذا رسمي
ولكن عشت ايامي دبلها مقبل وعابر
أصيل وكل اصيل ما يبي مدحي ولا ذمي
وسبع انعام في هالناس اخص الحامد الشاكر
انا من نجد ... وربعي هم عتيبه وخالي الدحمي
وبرقا لحمي ودمي وانا من روق ومعـ ناصر
انا جابر ولد هايف وسلم الطيب هو سلمي
ابوي اللي مربيني على الجزلات واتفاخر
انا راعي مجاهيم ... يشع بفخذها وسمي
وراعي خيل وراعي بر ... وبيت مبغضه كافر
على الرمضا... حفت رجلي بأرض عاشقه ضمي
وشمس تشرق وتوقف على راسي وأنا صابر
عرق وجهي يصب... وامسحه بشماغي وكمي
والد عيوني عن ناس ... سرقني يمها الناظر
وانا شاعر ولو اكتب عجز كل فكر في نظمي
ولاني بالغرور احكي ولكن واثق وقادر
وانا رجال.. هاوي للقمم .. ويقودني عزمي
وأبي أرقا على راس الجبل وانتي مع الحادر
عرفتي ليه ؟ انا طاهر لانك همي وغمي
ولان الدنيا في عيني جبل نرقاه ونغامر
يا بنت الناس عرفتي كيف؟ بليا سلاح ما نرمي
ولا نوقف بوجه البندق المليان ونخاطر
خلقنا الله بشر بعقول.. وذا واقع ؟ وذا وهمي
وكل يتبع مراده وفينا رابح وخاسر
وقالت لي فمان الله ... شعلت النار في جسمي
فمان الله يا الطاهر ... ومثلك قله ونادر
ورحت اخذ كتاب الله واحلف بالكتاب امي؟
لو ان اسمي (فهد) بالله ما كان احلى من (جابر)؟

شعر/ جابر هايف العتيبي

ان شاء الله يعجبكم

صرااااااااااااااااحه شعر فانتاستيــــــــــــــــــــــــــــــــــــــــــــــــــــــــــــتك *_^

يسلموووووووووو خرووووووووووفه على المروور

الشعر حلو ومميز تسلمييين بروووئة علـ الشعر الرووووعه

يصلموووووووووو على المرور

الشعر ختيييييييييييييييييييييييييييييييييييييييييييييييييييييييييييييير



الموضوع تــــــــــــــــــــــــــــــــب في تــــــــــــــــــــــــــــب



مشكوووووووووورة برووووووء

وانت الأختر


العفوووووو


نور موضوعي بمرورك